Seçicilərin bu vaxta qədər olan fəallığı qənaətbəxş sayıla bilər.
APA-nın məlumatına görə, bunu Mərkəzi Seçki Komissiyasının sədr müavini Rövzət Qasımov bildirib.
R. Qasımov bildirib ki, bu hava şəraitində seçicilər belə fəallıq göstərirsə, bu o deməkdir ki, seçkiyə kifayət qədər maraq var: “Canlı seçkinin şahidiyik”.
R. Qasımov bildirib ki, “Qaynar xətt”ə məlumat xarakterli müxtəlif zənglər olur: “Daxil olan müraciətlər, suallar ətraflı şəkildə cavablandırılır. Hələlik “Qaynar xətt”ə daxil olan müraciətlər şikayət xarakterli deyil”.