Müsavat Partiyası başqanlığına sabiq namizəd Yadigar Sadıqlı növbədənkənar parlament seçkilərinə qatılacaq.
Bu barədə APA-ya Yadigar Sadıqlının özü məlumat verib.
O qeyd edib ki, Müsavat Partiyasının indiki rəhbərliyinin onun namizədliyimi dəstəkləməyəcəyi barədə məlumatı olub: “Onlar mənimlə əlaqə saxlamadılar, mən də müraciət etmədim. 73 saylı Lənkəran şəhər Dairə Seçki Komissiyasına ərizə ilə müraciət edərək öz təşəbbüsümlə müstəqil şəkildə deputatlığa namizədliyimi irəli sürmüşəm. Həmçinin Dairə Seçki Komissiyasına partiya mənsubiyyətimi də bildirməmişəm. Hesab edirəm ki, partiya mənsubiyyətimi göstərib, sonra partiyanın qərarına tabe olmasaydım, dürüst olmazdı. Buna görə müstəqil şəkildə partiya mənsubiyyətimi göstərmədən namizədliyimi irəli sürdüm”.
Yadigar Sadıqlı qeyd edib ki, sabah imza vərəqələrini DSK-dan götürəcək.
Müsavat başqanı Arif Hacılı isə APA-ya açıqlamasında bildirib ki, Müsavat Partiyasından namizəd olmaq istəyənlər partiyaya müraciət edir: “Partiya namizəd olmaq istəyənlərə yox, namizəd olmaq istəyənlər partiyaya müraciət etməlidir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
