Elmar Məmmədyarov Litvanın yeni səfirini qəbul edib

Elmar Məmmədyarov Litvanın yeni səfirini qəbul edib
  • Clock-gray 18:17
  • calendar-gray 05 Sentyabr 2019

Xarici İşlər naziri Elmar Məmmədyarov Litva Respublikasının Azərbaycan Respublikasına yeni təyin olunan səfiri Eqidius Navikası qəbul edib.

XİN-dən APA-ya verilən məlumata görə, nazir Elmar Məmmədyarov Eqidius Navikası səfir təyin olunması münasibətilə təbrik edib və Litva səfirinə diplomatik fəaliyyətində uğurlar arzulayıb.

Görüşdə tərəflər ölkələrimiz arasında mövcud olan münasibətlərin siyasi, mədəni və digər sahələrdə inkişafından məmnunluq ifadə ediblər. Eyni zamanda ölkələr arasında iqtisadi və ticarət sahələrinin daha da inkişaf etdirilməsinin əhəmiyyətini vurğulayıblar.

Səfir Eqidius Navikas Azərbaycanın regionda apardığı müdrik xarici siyasətini və bu xüsusda, ölkəmiz tərəfindən həyata keçirilən enerji, nəqliyyat və infrastruktur layihələrin əhəmiyyətini qeyd edib. O, Litva tərəfindən Azərbaycanda həyata keçirilən tvinninq layihələrinin və bu sahədə ölkələrimiz arasında təcrübə mübadiləsinin uğurundan bəhs edərək, bu istiqamətdə fəaliyyətin davam etdiriləcəyini bildirib.

Tərəflər, həmçinin qarşılıqlı maraq doğuran məsələlər ətrafında fikir mübadiləsi aparıblar.

Səfir Eqidius Navikası etimadnaməsinin surətini nazir Elmar Məmmədyarova təqdim edib.

apa-logo-mini

Digər xəbərlər

Arxiv

date