MSK Şirvanda regional seminar-müşavirə keçirib

MSK Şirvanda regional seminar-müşavirə keçirib
  • Clock-gray 13:13
  • calendar-gray 15 Noyabr 2019

Şirvanda şəhərində qarışdan gələn bələdiyyə seçkiləri ilə əlaqədar Mərkəzi Seçki Komissiyasının (MSK) maarifləndirmə proqramına əsasən, seçki hüquqlarının pozulmasına dair şikayətlərin məhkəmə qaydasında həlli mövzusunda regional seminar-müşavirə keçirilib.

APA-nın Mil-Muğan bürosunun məlumatına görə, müşavirədə Mərkəzi Seçki Komissiyasının katibi Arifə Muxtarova, Ali Məhkəmənin hakimi Xəqani Məmmədov, Şirvan Apelyasiya Məhkəməsinin sədri Rəşadət Ağayev, MSK-nın üzvü  Qabil Orucov və region üzrə 27 dairə seçki komissiyasının sədrləri iştirak edib. Seminar-müşavirənin məqsədi seçki hüquqlarının pozulmasına dair şikayətlərin məhkəmə qaydasında həlli ilə bağlı dairə seçki komissiyalarının məlumatının artırılmasına, bu istiqamətdə görülən işlərin effektivliyinin gücləndirilməsinə və vətəndaşların seçki hüquqlarının daha səmərəli təmin olunmasına nail olmaqdır.

Tədbirin gündəliyinə uyğun olaraq, açılış nitqlərindən sonra seminar-müşavirədə Mərkəzi Seçki Komissiyası, Ali Məhkəmə və Şirvan Apelyasiya Məhkəməsinin təmsilçiləri tərəfindən “Vətəndaşların seçki hüquqlarının pozulması ilə əlaqədar şikayət və müraciətlərin verilməsi və onların araşdırılması qaydası”, “Seçki hüquqlarının müdafiəsi ilə bağlı qanunvericiliyin məhkəmələr tərəfindən tətbiqi təcrübəsi” və “Məhkəmədə seçki hüquqlarının müdafiəsi ilə bağlı işlər üzrə icraat” mövzularında təqdimatlar keçirilib və çıxışlar dinlənilib. MSK-nın üzvləri, Komissiyanın aidiyyəti struktur bölmələrinin əməkdaşları və region üzrə dairə seçki komissiyaları sədrlərinin qatıldığı tədbirin yekununda seçki hüquqlarının pozulmasına dair şikayətlərin məhkəmə qaydasında həlli ilə bağlı bir sıra aktual məsələlər ətrafında müzakirələr aparılıb, iştirakçıları maraqlandıran suallar cavablandırılıb.

Qeyd edək  ki, bu il bələdiyyə seçkilərinin yüksək səviyyədə təşkil olunub azad, ədalətli və şəffaf keçirilməsi üçün genişmiqyaslı maarifləndirmə layihələrindən biri kimi Gəncədə, Şəkidə gerçəkləşdirilən seminar-müşavirələr, Şirvandan sonra noyabrın 18-də Naxçıvan Muxtar Respublikasında da keçirilməklə bütün dairə seçki komissiyalarını əhatə edəcək.

 

Əlibəy Zeynallı

Digər xəbərlər

Arxiv

date