Siyavuş Novruzov müxalifəti qanvermə aksiyasında iştiraka dəvət edib

Siyavuş Novruzov müxalifəti qanvermə aksiyasında iştiraka dəvət edib
# 06 sentyabr 2019 10:51 (UTC +04:00)

“Məhərrəmlik ayında insanlar özünə zəncir vurmaqdansa, qanvermə aksiyasında iştirak etsələr daha yaxşı olar”.

APA-nın xəbərinə görə, bunu jurnalistlərə açıqlamasında YAP İcra katibinin müavini, Milli Məclisin İctimai birliklər və dini qurumlar komitəsinin sədri Siyavuş Novruzov deyib.

O bildirib ki, bəzi insanlar var ki, müəyyən xəstəliklərdən əziyyət çəkir: “Onların qana ehtiyacı var. Qan verməklə biz o insanlara kömək etmiş olarıq. Hakim Yeni Azərbaycan Partiyası hər ilə belə aksiya keçirir”.

S. Novruzov insanları Aşura günündə məscidlərdə qan verməyə səsləyib: “ İnsanlar özünü döymə, baş yarma hallarına yol verməsinlər”.

S. Novruzov həmçinin müxalifəti də bu cür aksiyalarda iştirak etməyə dəvət edib: “Onlar nə ağac əkir, nə qan verir. Onların addımları ancaq söyüş və təhqirdən ibarətdir. Mən həmin siyasi təşkilatları da qanvermə aksiyasında iştirak etməyə dəvət edirəm. Gəlsinlər qan versinlər”.

#
#

ƏMƏLİYYAT İCRA OLUNUR