MDB PA missiyasının rəhbəri: “MSK-nın çox dəqiq və sistemli işini görürük”

MDB PA missiyasının rəhbəri: “MSK-nın çox dəqiq və sistemli işini görürük”
  • Clock-gray 06:18
  • calendar-gray 11 Aprel 2018

MDB Parlament Assambleyası müşahidə missiyasının rəhbəri, Rusiyanın Federasiya Şurasının sədrinin müavini İlyas Umaxanovun başçılığı ilə Azərbaycan prezident seçkilərində səsvermə prosesini izləməyə başlayıb.

 

APA-nın məlumatına görə, 29 saylı seçki dairəsinin 2 saylı seçki məntəqəsində səsvermənin başlanmasını müşahidə edən İ. Umaxanov Azərbaycan xalqını vacib siyasi hadisə, ölkə prezidentinin seçilməsi ilə bağlı təbrik edib.

 

“MDB PA-dan olan beynəlxalq müşahidəçilər kimi seçki komissiyasının çox dəqiq və sistemli işini görürük. Mən prezident seçkilərini artıq 4-cü dəfədir müşahidə edirəm. Həm təşkilatçılıq, həm də əhval-ruhiyyə günü-gündən yaxşılaşır, həmçinin ölkə qanunvericiliyi, xüsusilə seçki qanunvericiliyi mükəmməlləşir. Açıq, daha demokratik, cəmiyyətin bütün təbəqələrinin ümumi maraqlarına, o cümlədən müxalifətin maraqlarına xidmət etmək istiqamətində mükəmməlləşir. İnsanlar seçkilərə yaxşı əhval-ruhiyyə ilə gəlir. Qafqazda qəbul olunub ki, insanlar sözə deyil, əmələ güvənirlər. İnsanlar səsverməyə xoş əhval-ruhiyyə, gələcəyə inamla, ölkələrini stabil, çiçəklənən, sülh şəraitində görmək ümidi ilə gəlirlər. Əminik ki, Azərbaycan xalqı düzgün seçim edəcək", - deyə o vurğulayıb. 

Məlahət Nəcəfova

Digər xəbərlər

Arxiv

date