Vitse-spiker: "Siyasi dialoq, iş birliyi Dağlıq Qarabağ münaqişəsinin həllinə kömək edə bilər"

Vitse-spiker: "Siyasi  dialoq, iş birliyi Dağlıq Qarabağ  münaqişəsinin həllinə kömək edə bilər"
  • Clock-gray 07:48
  • calendar-gray 09 İyun 2018

"Avropa Mühafizəkarlar və İslahatçılar Alyansının sammitinin Bakıda keçirilməsi ölkəmizin siyasi həyatında əlamətdar hadisədir. Ümid edirəm ki, burda aparılan müzakirələr alyansın məqsədlərinin həyata keçirilməsinə kömək edəcək".

 

APA-nın xəbərinə görə, bunu Milli Məclisin vitse-spikeri Ziyafət Əsgərov bu gün Bakıda keçirilən  Avropa Mühafizəkarlar və İslahatçılar Alyansının Bakı Sammitinin açılışında deyib.

 

Z.Əsgərov vurğulayıb ki, indi dünya birliyi terrorizm, separatizm, qaçqın, məcburi köçkün, insan alveri, narkotiklə mübarizə,  iqlim dəyişkənliyi,  epidemiya kimi problemlərin həlli üçün səmərəli yollar tapmaqla üz-üzə gəlib. 

 

Z.Əsgərov deyib ki, beynəlxalq münasibətlər çərçivəsində parlament nümayəndələri arasında əməkdaşlığın, fəallığın gücləndirilməsi universal xarakter daşıyır.

 

O bildirib ki, Azərbaycan Milli Məclisinin deputatları ölkəmiz barəsində həqiqətləri bütün dünyaya  çatdırmaq üçün mümkün olan hər şeyi edir və bu siyasi  dialoq, iş birliyi Dağlıq Qarabağ  münaqişəsi və digər problemlərin həllinə kömək göstərə bilər.

 

"Azərbaycan uzun illərdir torpaqlarının işğalı ilə bağlə beynəlxalq birliyə çağırış edərək ədalətin bərpa olunmasını tələb edir. Biz əminik ki, bu və digər problemlər beynəlxalq hüquq norma və prinsiplərinə uyğun olaraq nizama salınacaq və bu da Avropada sülh, sabitlik , təhlükəsizliyin təminatına xidmət edəcək", - deyə Z. Əsgərov əlavə edib.

Fərizə Əhmədova

Digər xəbərlər

Arxiv

date