Azərbaycanlı icması Derbi Şəhər Şurasına etiraz məktubu göndərib

Azərbaycanlı icması Derbi Şəhər Şurasına etiraz məktubu göndərib
  • Clock-gray 12:38
  • calendar-gray 28 Noyabr 2020

İngiltərədə yaşayan azərbaycanlı icması Azərbaycanın ərazi bütövlüyünün tanınması və işğalçını dəstəkləyən addımların atılmaması ilə bağlı Derbi Şəhər Şurasına müraciət edib.

Diasporla İş üzrə Dövlət Komitəsindən APA-ya verilən xəbərə görə, Derbi Şəhər Şurasının baş icraçı direktoru Paul Simpsona ünvanlanan müraciətdə qeyd edilib ki, Dağlıq Qarabağın müstəqil bir dövlət kimi tanınması ilə bağlı təklif yalan və ermənipərəst təbliğatdan ibarətdir.

“Bu addıma kəskin etirazını bildirən azərbaycanlı icması xəbərdarlıq edib ki, Azərbaycanın dünya birliyi, o cümlədən Britaniya tərəfindən tanınan ərazi bütövlüyünə zidd olan belə qərarın qəbulu beynəlxalq hüquq və normalara qarşı olmaqla yanaşı, həm də Azərbaycan-Britaniya əlaqələrinə zərbə vura bilər.

Vurğulanıb ki, qəbul olunmuş qərar Birləşmiş Krallıqla Azərbaycan arasında mövcud olan ikitərəfli əlaqələrə və Azərbaycanın dünya birliyi tərəfindən tanınan ərazi bütövlüyünə göstərilmiş etimada hörmətsizlik kimi dəyərləndirilir. İnanırıq ki, qəbul olunmuş qərar tezliklə Şura tərəfindən ləğv ediləcəkdir”, - deyə bildirilib.

Qeyd olunub ki, etiraz məktubu Britaniya Azərbaycanlıları İcması, Britaniya Azərbaycanlıları Assosiasiyası, Beynəlxalq Azərbaycan İcması təşkilatları və İngiltərədə yaşayan azərbaycanlılar tərəfindən ünvanlanıb.

apa-logo-mini

Digər xəbərlər