Britaniyadakı azərbaycanlı icması BQXK-ya müraciət edib

Britaniyadakı azərbaycanlı icması BQXK-ya müraciət edib
# 24 noyabr 2020 18:19 (UTC +04:00)

Böyük Britaniyada yaşayan azərbaycanlı icması ermənilərə əsir düşən hərbçilərimizlə əlaqədar Beynəlxalq Qırmızı Xaç Komitəsinə (BQXK) müraciətlər göndərir.

Diasporla İş üzrə Dövlət Komitəsindən APA-ya bildirilib ki, Britaniya-Azərbaycan Cəmiyyətinin sədri Fəridə Pənahovanın imzası ilə BQXK prezidenti Peter Maurerə ünvanlanan məktubda Ermənistanla Azərbaycan arasında gedən 44 günlük döyüşlər zamanı əsir düşən azərbaycanlı hərbçilərin taleyi ilə bağlı narahatlıq ifadə olunub. Qeyd edilib ki, tərəflər arasında sülh razılığının imzalanmasına baxmayaraq, hərbçilərimizn Ermənistanda saxlanılmasına dair əsaslı dəlillər mövcuddur.

"Onlar Amin Musayev, Ruslan Rüstəmov və Bayram Kərimovdur. Ələ keçirilən zaman onların sağ olduğuna dair videoyazılar var. Bundan sonra ailə üzvləri onlarla əlaqə saxlaya bilməyiblər", - deyə məktubda vurğulanıb.

BQXK-nin rəhbərliyindən hər üç əsir əsgərimizin yerinin təsbit olunması və onların sağ-salamat evlərinə dönmələrini təmin etmək rica olunub.

#
#

ƏMƏLİYYAT İCRA OLUNUR