Ottavada Şuşanın işğaldan azad olunması ilə bağlı aksiya keçirilib

Ottavada Şuşanın işğaldan azad olunması ilə bağlı aksiya keçirilib
  • Clock-gray 14:38
  • calendar-gray 11 Noyabr 2020

Kanadada yaşayan azərbaycanlılar Ottava şəhərində “Parliament Hill” binası qarşısında toplaşaraq Şuşanın işğaldan azad olunmasını çoşğu ilə qeyd ediblər.

Diasporla İşüzrə Dövlət Komitəsindən APA-ya bildirilib ki, meydana toplaşan həmvətənlərimiz bildiriblər ki, Azərbaycanın mədəniyyət paytaxtı, qədim Şuşa şəhərinin işğaldan azad olunması Ali Baş Komandanımızın müdrik siyasətinin, rəşadətli ordumuzun gücünün və xalqımızın əzminin göstəricisidir.

Bu, Azərbaycan tarixinin ən şanlı səhifələrindən biridir. Vətəndən uzaqda yaşayan azərbaycanlılar bundan sonra da Azərbaycanın haqq səsini, Qarabağ həqiqətlərini Kanada ictimaiyyətinə çatdırmaq üçün əllərindən gələni edəcəklərini bildiriblər.

Azərbaycan, Türkiyə və Kanada bayraqlarının dalğalandırıldığı tədbirdə “Stop Armenian aggression”, “Pray For Ganja” və s. yazılmış plakatlar nümayiş etdirilib, “Şuşa Azərbaycandır!”, “Qarabağ Azərbaycandır!” kimi şüarlar səsləndirilib.

Əsmər Qabil

Digər xəbərlər