Azərbaycan qılıncoynadanı Anna Başta Türkiyənin Antalya şəhərində keçirilən “Satellite” seriyalı turnirin qalibi adına yiyələnib.
APA-nın məlumatına görə, sablya növündə mübarizə aparan idmançı həlledici görüşdə kanadalı Qabriella Peycdən üstün olub.
A. Başta finalda 15:9 hesablı ilə qalib gələrək, turnirin qızıl medalını qazanıb.
Sablyaçı 1/4 finalda millinin digər üzvü Səbinə Kərimova ilə üz-üzə gəlib və komanda yoldaşını 15:12 hesabı ilə məğlub edib.