Din

Ana səhifə

Din

“Nur” ilahi qrupu “Rəsulullah” və “Əsgər marşı” adlı mahnılarına klip çəkdirəcək

11 aprel 2007 15:20 (UTC +04:00)

“Nur” ilahi qrupu Məhəmməd Peyğəmbərin (s) mövludu ilə bağlı tədbirlər həyata keçirəcək. Qrupdan APA-ya verilən məlumata görə, ilk tədbir “Ümid” sığınacaq evi və başqa uşaq evlərində təşkil olunacaq. Qrup üzvləri həmin ünvanlarda musiqili proqramla çıxış edəcəklər. Aprelin 14-də isə “Nur” qrupu Gəncliyə Yardım Fondunun akt zalında ədəbi-bədii tədbir keçirməyi planlaşdırır. Bununla yanaşı, qrup yaxın vaxtlarda “Rəsulullah” və “Əsgər marşı” adlı mahnılarına klip çəkdirmək fikrindədir. Klipin rejissoru Eldəniz Cəfərovdur. Eyni zamanda “Nur” qrupu yayda ilahi mövzuda film çəkməyi planlaşdırır. Filmdə tanınmış aktyorların çıxışı nəzərdə tutulub. Hazırda filmin aktyor heyəti müəyyənləşdirilir. /APA/