“Hazırda məscidlərdə dini təhsili olmayanların ələnməsi prosesi gedir”.
APA xəbər verir ki, bunu Dini Qurumlarla İş üzrə Dövlət Komitəsinin sədri Mübariz Qurbanlı “Vicdan azadlığı və media” mövzusunda keçirilən konfransda deyib.
O qeyd edib ki, bu proses başa çatdırılmalıdır: “Bizim elə məscidlərimiz var ki, orada rus, ingilis və digər dilləri mükəmməl bilən imamlarımız var. Onları aşağılamaq olmaz. Biz əgər "qəbiristanlıq mollaları"nı onların yanına qoyuruqsa, cəmiyyətdə inamsızlıq yaradırıq. Bəzən Qafqaz Müsəlmanları İdarəsi ilə bizim yerlərdə müəyyən fikir ayrılıqlarımız olur. Bu problemləri aradan qaldırmaq üçün kifayət qədər müzakirələr aparırıq. Hesab edirəm ki, dövlətin marağı gələndə hamı bir söz deməlidir. Şəxsi maraqlar, qrup maraqları bir kənara qoyulmalıdır”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
