Döyüş növləri

Ana səhifə

Döyüş növləri

Qurban Qurbanov: “Rid”lə “Neftçi”nin şansları bərabərdir”

30 iyun 2007 09:17 (UTC +04:00)

““Rid” klubu UEFA kubokunun ilkin mərhələsində iştirak edəcək ən güclü komandalardan biridir. Amma püşkün nəticəsini bizim üçün uğursuz saymaq olmaz”. Bu sözləri “APA-Sport” agentliyinə açıqlamasında “Neftçi”nin baş məşqçisi Qurban Qurbanov deyib. Çalışdırıcı bildirib ki, rəhbərlik etdiyi komandanın UEFA kubokunun ilkin mərhələsində qarşılaşacağı Avstriyanın “Rid” klubu ilə şansları bərabərdir: “Cütün aşkar favoriti yoxdur”. Q. Qurbanov rəqib barədə yaxın günlərdə informasiya toplayacaqlarını söyləyib: ““Rid”in gücü haqqında indidən nə isə demək çətindir. Çünki komandanı yaxşı tanımırıq. Rəqibimizin yoldaşlıq matçlarını və çempionat oyunlarını izləyərək lazımi informasiyaları toplayacağıq”. Baş məşqçi “Rid”lə görüşdə adaptasiya problemi ilə üzləşməyəcəklərini də bildirib. Q. Qurbanov UEFA kubokunda ilk oyunun səfərdə keçiriləcəyinin dəqiqləşdiyini də qeyd edib: “Bu məsələni “MKT-Araz”la razılaşdırmışıq. İyulun 19-da biz səfərdə, “MKT-Araz” isə Bakıda oynayacaq. Hesab edirəm ki, ilk oyunu səfərdə keçirməyimiz bizə “Rid” önündə əlavə üstünlük qazandıracaq”. /APA-Sport/