Azərbaycan güləşçiləri Yaşar Doğu turnirinə iki medalla başlayıb

Azərbaycan güləşçiləri Yaşar Doğu turnirinə iki medalla başlayıb
  • Clock-gray 21:15
  • calendar-gray 10 Yanvar 2020

Bu gün Türkiyənin İstanbul şəhərində sərbəst və qadın güləşi üzrə Yaşar Doğunun xatirə turnirinə start verilib.

Apasport.az saytının məlumatına görə, ilk yarış günündə qadınlar arasında 3 çəkidə medalçılar müəyyənləşib.

Azərbaycan yığmasının üzvlərindən Türkan Nəsirova (50 kq) və İrina Netreba (68 kq) bürünc medal qazanıb. Alyona Kolesnik (57 kq) isə 5-ci yerlə kifayətlənib.

Sərbəst güləşçilərin yarışında isə 5 çəkidə mübarizəyə start verilib. Təmsilçilərimizdən Əli Rəhimzadə (65 kq) adını finala yazdırıb. Əfqan Xaşalovla (57 kq) Cəbrayıl Həsənov (86 kq) bürünc medal uğrunda güləşəcək. Pərviz İbrahimov (57 kq), Turan Bayramov (65 kq), Ağahüseyn Musafayev (70 kq) və Osman Nurməhəmmədov (86 kq) isə təsəlliverici görüşlərə çıxacaq.

Qeyd edək ki, sərbəst güləşdə 57, 65, 70, 86 və 97 kq-da medalçılar sabah bəlli olacaq.

ApaSport

Digər xəbərlər