APA BLOQ
Hacı Əliyev ALROSA Kubokunun qalibi olub
-
21:02
-
30 Noyabr 2019
Rusiyanın paytaxtı Moskvada sərbəst və yunan-Roma güləşi üzrə ALROSA Kuboku keçirilib.
Apasport.az saytının məlumatına görə, ənənəvi yarışda Azərbaycanı sərbəst güləş üzrə milli komanda
təmsil edib.
İki gün davam edən turnirdə baş məşqçi əvəzi Zəlimxan Hüseynovun rəhbərliyi altında Georgi Edişeraşvili (57 kq), Hacı Əliyev (65 kq), Hacımurad Hacıyev (74 kq), Cəbrayıl Həsənov (86 kq) və Şərif Şərifov (97 kq) mübarizə aparıb.
Noyabrın 29-da olimpiya çəkiləri üzrə fərdi mübarizəyə start verilib. Ancaq ən yüngül çəkidə cəmi 2 iştirakçı olduğundan bu kateqoriyada fərdi yarış keçirilməyib. Həmin gün Şərif Şərifov (97 kq) iranlı Məhəmməd Məhəmmədi üzərində əzmkar qələbə qazanıb - 5:4. Hacı Əliyev (65 kq) II Avropa Oyunlarının finalında məğlub etdiyi gürcü Vladimir Xinceqavilini növbəti dəfə üstələyib - 7:3. Beləliklə, hər iki güləşçimiz ertəsi gün Rusiya və dünya yığması qarşılaşmasında iştirak hüququ əldə edib.
Hacımurad Hacıyev (74 kq) ilk görüşdə gürcü Avtandil Kençadzeyə (2:12), Cəbrayıl Həsənov (86 kq) isə rusiyalı Məhəmməd Ramazanova (1:4) uduzub. Ancaq yığma üzvləri bürünc medal əldə edib. Axşam seansında Hacıyev kubalı Kabalyero Qarzondan (7:2), Həsənov isə moldovalı Petr Yanulovdan (3:0) güclü olub.
Bu gün həlledici - final qarşılaşmaları baş tutub. Hacı son Avropa çempionatında məğlub etdiyi rusiyalı Naçın Kuulara növbəti dəfə qalib gəlib. Əliyev son saniyələrdə icra etdiyi uğurlu fəndlə 5:4 hesablı qələbəyə sevinib. Edişeraşvili yerli Ramiz Həmzətova (4:7), Şərifov isə Rusiyanın digər təmsilçisi Əlixan Cəbrayılova (2:5) yenilib.
Digər xəbərlər
VİDEO XƏBƏRLƏR
Bakıda iki avtomobil toqquşub, 7 nəfər xəsarət alıb - FOTO - VİDEO
Bakıda motosiklet avtomobillərə çırpılıb, sürücü xəsarət alıb - FOTO - VİDEO - YENİLƏNİB
Bakıda "KamAZ" iki tələbəni vuraraq öldürüb - HADİSƏ ANI - VİDEO
"Azercell" Nəsiminin qəzəllərini səsləndirilərək "Bookmate"ə daxil edib - VİDEO
FOTO XƏBƏRLƏR
Psixoloqların diaqnostik qiymətləndirilməsi üzrə imtahan proqramı açıqlanıb
Hər zaman aldığımız karamel nədir və onun hansı növləri var? - FOTO - VİDEO
Azərbaycan yığmasının 7 cüdoçusu “Top-20”də yer alıb
“Siyasi repressiya qurbanları muzeyi”nin açılışı olub - FOTOSESSİYA
