Beynəlxalq Həvəskar Boks Assosiasiyasına (AİBA) prezident seçkilərinin vaxtı dəyişdirilə bilər.
APA-nın məlumatına görə, bunu AİBA-nın icraçı direktoru Tom Vircets açıqlayıb.
Qurum rəsmisi bildirib ki, bu il oktyabrın 15-də keçirilməli olan növbədənkənar konqres 2020-ci ilin martınadək təxirə düşə bilər. Prezidentin seçiləcəyi konqresin 5 ay yubanması AİBA-nın daha uzun müddət rəhbərsiz qalması ilə nəticələnəcək.
Qeyd edək ki, AİBA-nın sabiq prezidenti Qafur Rəhimov səlahiyyətlərini ötən ay təhvil verib.