Yeniyetmə taekvondoçulardan ibarət Azərbaycan millisi Bolqarıstanın paytaxtı Sofiyada keçiriləcək dünya birinciliyinə yollanıb.
Apasport.az saytının məlumatına görə, yığma mundialda 10 oğlan, 7 qız idmançı ilə təmsil olunacaq.
Baş məşqçi Elnur Amanov yarışda Mehdi Budaqlı (33 kq), İlyas Hətəmli (37 kq), Riad Quliyev (41 kq), Fuad Məhərrəmli (45 kq), Bahadur Dostuyev (49 kq), Vasif Səlimov (53 kq), Əbdülsübhan Dadaşov (57 kq), Yunis Hüseynov (61 kq), Elcan Əliyev (65 kq), Nihad Həsənov (+65 kq), Zəhra İsayeva (29 kq), Gülü Zamanlı (33 kq), Xuraman Cavadzadə (37 kq), Firəngül Abbaszadə (41 kq), Banu Quliyeva (44 kq), Şəms Əlizadə (47 kq) və Fatimə Həsənovaya (51 kq) şans verəcək.
İyulun 28-də start götürəcək dünya birinciliyi 4 gün davam edəcək. Yarışlar “Armeec” İdman Arenasında keçiriləcək.
Mundialda beynəlxalq dərəcəli referi Aygül Abdullayeva ədaləti qoruyacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
