Gənclərdən ibarət sərbəst güləş üzrə Azərbaycan yığması Olimpiya Güləş Mərkəzində təlim-məşq toplanışını davam etdirir.
APA-nın məlumatına görə, milli iyulun 3-dən Bakıda olan ABŞ-ın müvafiq komandasıyla birgə hazırlıq keçir.
Bu gün tərəflərin razılığına əsasən təlim-məşq bazasında komandalar arasında yoldaşlıq görüşü keçirilib. Beynəlxalq dərəcəli hakimlərimizin idarə etdiyi qarşılaşmalar kifayət qədər maraqlı mübarizə şəraitində keçib. Yekunda Azərbaycan yığması 12:2 hesablı qələbəyə sevinib.
Qonaq komandanın baş məşqçisi, olimpiya çempionu Con Peterson daha sonra AGF-nin rəsmi saytına açıqlama verib:
"Bir neçə gündür ki, Bakıda yığmanızla birgə toplanış keçirik. Bizim güləşçilər burada pəhləvanlarınızdan çox şey öyrənir. Bu baxımdan təlim-məşq toplanışından çox razıyam. Bu, Bakıya ilk səfərim deyil. Hələ SSRİ dönəmində Azərbaycanda olmuşdum. 2007-ci ildə Bakıda keçirilən dünya çempionatı zamanı da ölkənizə səfər etmişdim. Onu deyə bilərəm ki, insanlarınız əvvəl necə qonaqpərvər idisə, indi də elədir".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
