Tokio-2020-nin boks yarışları üçün 13 çəki dərəcəsi təsdiqlənib
-
23:16
-
19 İyun 2019
Beynəlxalq Olimpiya Komitəsinin (BOK) İcraiyyə Komitəsi 2020-ci ildə Yaponiyanın paytaxtı Tokioda keçiriləcək Olimpiya Oyunlarının və yarışa seçimin necə aparılmasının formatını təsdiqləyib.
APA-nın məlumatına görə, Tokio-2020-də 13 çəki dərəcəsi üzrə mükafatçılar bəlli olacaq.
Kişilər 52 kq, 57 kq, 63 kq, 69 kq, 75 kq, 81 kq, 91 kq və +91 kq, qadınlar isə 51 kq, 57 kq, 60 kq, 68 kq və 75 kq çəki dərəcələrində qüvvələrini sınayacaqlar.
Yarışda ümumilikdə 286 boksçu – 186 kişi və 100 qadın mübarizə aparacaq. Vəsiqələrin qitələr üzrə bölünməsi son iki Olimpiada və dünya çempionatlarındakı nəticələrə görə aparılıb.
Ümumilikdə 5 təsnifat turniri keçiriləcək. 2020-ci ilin yanvar-may aylarında baş tutacaq yarışlardan dördü qitə miqyaslı, biri ümumdünya xarakterli olacaq. Bu turnirlərin ev sahibləri Olimpiadaları qəbul etmiş və ya edəcək şəhərlər arasından seçiləcək.
Qeyd edək ki, BOK Olimpiya Oyunları və yarışa təsnifat turnirlərinin təşkili hüququnu AİBA-dan alıb. Bütün səlahiyyətlər İşçi Qrupuna həvalə edilib.
Digər xəbərlər
VİDEO XƏBƏRLƏR
FOTO XƏBƏRLƏR
Azərbaycan yığmasının 7 cüdoçusu “Top-20”də yer alıb
“Siyasi repressiya qurbanları muzeyi”nin açılışı olub - FOTOSESSİYA
Ağstafada iki ədəd 122 mm-lik raket aşkar olunub
Azərbaycanda “Əşyaların interneti” laboratoriyası yaradılıb
