Millimizin Avropa çempionatı üçün heyəti açıqlanıb
-
14:38
-
04 May 2018
Mayın 10-13-də Rusiyanın Kazan taekvondo üzrə Avropa çempionatı keçiriləcək. Taekvondo Federasiyasından apasport.az saytına verilən məlumata görə, yarışa Azərbaycan millisi də qatılacaq.
Belə ki, çempionat öncəsi qurumun inzibati binasında yarışa yollanacaq komanda ilə görüş keçirilib. İclasda ATF-in vitse-prezidentləri Nağı Səfərovla Niyaməddin Paşayev və baş katib Həmdiyyə Məmmədov iştirak ediblər. Federasiya rəsmiləri İsveçrənin Montre şəhərində keçirilən son Avropa çempionatında Milad Beigi Harçeqaninin qızıl, Patimat Abakarovanın gümüş, Payam Qobadi Oğazın bürünc medal qazandıqlarını xatırlayaraq, bu dəfə də uğurlu çıxış edəcəklərinə inam ifadə ediblər.
Ardınca yığmalarımızın heyəti açıqlanıb. Kazanın “Ak Bars” İdman Arenasında baş tutacaq qitə çempionatında ölkəmizi 15 taekvondoçu təmsil edəcək. Kişilərdən ibarət millimizin baş məşqçisi Reza Mehmandost Kazanda Xanoğlan Kərimov (54 kq), Qaşım Maqomedov (58 kq), Xanrul Fətullayev (63 kq), Məhəmməd Məmmədov (68 kq), Səid Quliyev (74 kq), Milad Beiqi Harçeqani (80 kq), Ramin Əzizov (87 kq) və Radik İsayevə (+87 kq) şans verəcək.
Qadınlardan ibarət komandamızın baş məşqçisi Elnur Amanov Fatimə Şabannya Mansur (46 kq), Patimat Abakarova (49 kq), Sahar Karqar (53 kq), Mahtap Kiyaniçande (57 kq), Fəridə Əzizova (67 kq), Elvarə Cəlilova (73 kq) və Zəhra Fazil Kalxorananı (+73 kq) sınaqdan keçirəcək.
Gündüz Abdullayev isə yarışa hakim kimi qatılacaq.
Qeyd edək ki, komandamız səfərə ATF-in vitse-prezidenti Niyaməddin Paşayevin rəhbərliyi altında mayın 7-də yollanacaq. Yığmamız mayın 14-də isə Vətənə dönəcək.
Digər xəbərlər
VİDEO XƏBƏRLƏR
Sumqayıtda şadlıq sarayında baş vermiş yanğın söndürülüb - FOTO - VİDEO - YENİLƏNİB
Rza Xudiyev: “Yanğınların əsas baş vermə səbəbi insan faktorudur” - MÜSAHİBƏ - VİDEO
Qəbələdə meşə yanır, əraziyə FHN-in 2 helikopteri və amfibiya təyyarəsi cəlb edilib - YENİLƏNİB 1 - VİDEO
APA TV: İlqar Əlfioğlu “Aparalel”də
FOTO XƏBƏRLƏR
Azərbaycan yığmasının 7 cüdoçusu “Top-20”də yer alıb
“Siyasi repressiya qurbanları muzeyi”nin açılışı olub - FOTOSESSİYA
Ağstafada iki ədəd 122 mm-lik raket aşkar olunub
Azərbaycanda “Əşyaların interneti” laboratoriyası yaradılıb
