“Dünya çempionu titulunu qazanmışamsa, təəccüblü bir şey yoxdur. Keçirdiyim bütün görüşlərdə qalib gəlməklə bağlı heç bir narahatçılığım yox idi”.
APA-nın məlumatına görə, bunu Yaponiya millisinin cüdoçusu Şohei Ono deyib.
Tokioda keçirilən dünya çempionatında 73 kq çəki dərəcəsinin finalında azərbaycanlı idmançı Rüstəm Orucova qalib gələrək qızıl medal qazanan asiyalı qələbəsinə şübhə etmədiyini bildirib. Son 4 ildə heç kimə uduzmayan Ş.Ono təriflərdən başının gicəllənmədiyini də qeyd edib: “Hamının məni aşkar favorit saymasından arxayınlaşmadım. Belə fikirləri başımdan kənara atdım. Bir sözlə, qələbəmə şübhə etmirdim. Bütün fikrimi sevdiyim şeyə - cüdoya və görməli olduğum işə yönəltdim”.
Yaponiyalı gələn il Tokioda baş tutacaq Olimpiya Oyunları barədə fikirlərini bölüşüb. O, iddiasını davam etdirəcəyini vurğulayıb: “İnanmaq istərdim ki, səviyyəmi artırmaqda davam edəcəyəm. Rüstəm Orucov üzərində qələbə özünəinamımı daha da artırdı. Yenidən ən yüksək pillələrə qalxmaq üçün işimə davam edəcəyəm”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
