Tanınmış şair və dramaturq Xanımana Əlibəyli vəfat edib
07 may 2007 13:59 (UTC +04:00)
Azərbaycanın ədəbi ictimaiyyətinə ağır itki üz verib. Şair və dramaturq Xanımana Əlibəyli 87 yaşında vəfat edib. Azərbaycan Yazıçılar Birliyindən (AYB) APA-ya verilən məlumata görə, Xanımana Əlibəyli 1953-cü ildən AYB-nin üzvü olub. 1920-ci il aprelin 20-də Bakı şəhərində anadan olan Xanımana Sabir qızı Əlibəyli orta məktəbi bitirdikdən sonra təhsilini Azərbaycan Dövlət Tibb Universitetinin müalicə-profilaktika fakültəsində davam etdirib. O, 1945-50-ci illərdə Bakı Dövlət Universitetinin filologiya fakültəsində təhsil alıb. Bakı Uşaq Poliklinikasında həkim-pediatr kimi əmək fəaliyyətinə başlayan X. Əlibəyli təqaüdə çıxana kimi uşaqların sağlamlığı keşiyində dayanıb.
X. Əlibəyli ədəbi yaradıcılığa ötən əsrin 30-cu illərində “Ana” şeiri ilə başlayıb. Onun işıq üzü görən “Balaca həkim”, “Meşə həkimi”, “İşləməyən dişləməz”, “Məni günəşə at”, “Ağ çəmən”, “Noğul”, “Qaçqın balalar” və b. kitabları kiçik yaşlı oxucuların sevimlisidir. Uşaqlar üçün bir-birindən dəyərli pyeslər yazan X.Əlibəylinin “Dovşanın ad günü”, “Aycan”, “Cunquş”, “Gözəllər gözəli” pyesləri gənc Tamaşaçılar Teatrında, Kukla Teatrında uğurla tamaşaya qoyulub. Qeyd edək ki, X. Əlibəyli “Mətbuat əlaçısı” nişanına, Əməkdar incəsənət xadimi fəxri adına, iki dəfə respublika Dövlət Mükafatına layiq görülüb, 1999-cu ildən Prezident təqaüdçüsü idi. /APA/
X. Əlibəyli ədəbi yaradıcılığa ötən əsrin 30-cu illərində “Ana” şeiri ilə başlayıb. Onun işıq üzü görən “Balaca həkim”, “Meşə həkimi”, “İşləməyən dişləməz”, “Məni günəşə at”, “Ağ çəmən”, “Noğul”, “Qaçqın balalar” və b. kitabları kiçik yaşlı oxucuların sevimlisidir. Uşaqlar üçün bir-birindən dəyərli pyeslər yazan X.Əlibəylinin “Dovşanın ad günü”, “Aycan”, “Cunquş”, “Gözəllər gözəli” pyesləri gənc Tamaşaçılar Teatrında, Kukla Teatrında uğurla tamaşaya qoyulub. Qeyd edək ki, X. Əlibəyli “Mətbuat əlaçısı” nişanına, Əməkdar incəsənət xadimi fəxri adına, iki dəfə respublika Dövlət Mükafatına layiq görülüb, 1999-cu ildən Prezident təqaüdçüsü idi. /APA/
Ədəbiyyat
Qulu Ağsəsin yeni şeirlər kitabı çap olunub
21:03
27 mart 2024
Gəncə Dövlət Filarmoniyasında ilk dəfə "Bahar və buz qızı" nağıl şousu təqdim olunub
19:27
21 mart 2024
“Ulduz” jurnalının növbəti sayı çıxıb
13:48
19 mart 2024
Folklor İnstitutunun direktoru: Vulqar ifadələrlə bağlı nəşrlərə bizim mühit hazır deyil - MÜSAHİBƏ
10:39
19 mart 2024