Dövlət Mahnı Teatrında “Kitab tutan balaca əllər” layihəsi həyata keçirilib.
APA-nın məlumatına görə, tədbirdə çıxış edən Türkiyənin Azərbaycandakı səfiri Erkan Özoral layihənin əhəmiyyətindən danışıb. O bildirib ki, layihə çərçivəsində Türkiyənin tanınmış uşaq ədəbiyyatı yazıçılarının Azərbaycan dilinə uyğunlaşdırılmış və tarixi şəxsiyyətlərimizə həsr olunmuş bir-birindən maraqlı kitabları orta məktəb şagirdlərinə paylanacaq.
Səfir layihənin təşkilini yüksək qiymətləndirib, Azərbaycan və Türkiyənin köklü tarixi, mədəni mirası haqqında danışıb.
Mərasimdə çıxış edənlər bildirib ki, iki qardaş dövlət arasındakı mədəni əlaqələrin inkişafı ortaq dəyərlərimizin yenidən gün üzünə çıxarılması ilə mümkündür. Bu baxımdan ortaq mədəniyyətimizin tarixi şəxsiyyətlərinin gələcək nəsillərə, xüsusilə uşaqlara tanıdılması böyük əhəmiyyət kəsb edir.
Aksiya Türkiyə Baş Nazirlik Türk Əməkdaşlıq və Koordinasiya Agentliyi (TİKA) və Gəncliyə Yardım Fondunun birgə əməkdaşlığı çərçivəsində Azərbaycan və Türkiyənin ortaq tarixi və mədəni dəyərlərinin yaşadılması və iki ölkə arasındakı mədəni əlaqələrin əsasını təşkil edən dahi şəxsiyyətlərin gələcək nəsillərə çatdırılması məqsədilə təşkil edilib.
Layihə çərçivəsində üç min uşağa kitab paylanılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
