Ədəbiyyat

Ana səhifə

Ədəbiyyat

Zəhra Bədəlbəyli ikinci kitabını nəşr etməyə hazırlaşır

21 aprel 2018 10:36 (UTC +04:00)

Azərbaycan Yazıçılar Birliyinin üzvü, gənc şairə Zəhra Bədəlbəyli şeirlər toplusundan ibarət ikinci kitabını nəşr etməyə hazırlaşır.

“TEAS Press” Nəşriyyat Evindən APA-ya verilən məlumata görə, “V tvoix rukax” (“Sənin əllərində”) adlanan şeirlər kitabı sosial mövzuları, sevgi və həyat barədə fəlsəfi düşüncələri əks etdirir. Kitabdakı rəsmlərin müəllifi Ləman Yusiflidir. Kitab “TEAS Press” Nəşriyyat Evi tərəfindən nəşr olunacaq.

““TEAS Press” Nəşriyyat Evinin yerli yazıçılara və şairlərə yaratdığı imkan məni yaxşı mənada təəccübləndirdi. Bu məni yeni şeirlər yazıb-yaratmağa daha da həvəsləndirir. Kitabın ad seçimi də təsadüfi deyil, çünki hesab edirəm ki, həyatda çox şey bizim əlimizdədir və bunu heç vaxt unutmaq olmaz”, - deyə o, bildirib.

Zəhra Bədəlbəyli 10 yaşından yazmağa başlayıb. Onun ilk kitabı 2011-ci ildə çıxan “За бесконечностью явлений” adlanan şeirlər toplusudur. İlk kitabı gənc şairəyə böyük uğur gətirib.