Sənaye və energetika

Ana səhifə

Azərbaycanda avtomobil yanacağının istehsalı azalıb - CƏDVƏL

18 mart 2023 12:10 (UTC +04:00)

Bu ilin yanvar-fevral aylarında neft məhsullarının istehsalı sahəsində istehsalın ümumi dəyəri 646,5 mln. manat olmaqla, əvvəlki ilin müvafiq dövrü ilə müqayisədə 6,4% azalıb.

Dövlət Statistika Komitəsindən “APA-Economics”ə verilən məlumata görə, neft məhsullarının istehsalında sürtkü yağlarının istehsalı 50,6%, neft koksunun istehsalı isə 12,8% artıb.

Məlumata görə, hesabat dövründə qazoylların (dizel yanacağının) istehsalı 0,6%, avtomobil benzininin istehsalı 3,7%, ağ neft istehsalı 7,5%, neft bitumu istehsalı 47,1%, mazut istehsalı isə 90,8% azalıb.

Xatırladaq ki, Azərbaycanda neft, təməli 1953-cü ildə qoyulmuş Heydər Əliyev adına Bakı Neft Emalı Zavodunda emal edilir. Zavod respublikanın neft məhsullarına olan tələbatını tam ödəyir. Hazırda NEZ-də yenidənqurma və modernləşdirmə işləri aparılır.

Azərbaycanda neft məhsullarının dinamikası:

Məhsul növləri	2023-cü il, yanvar-fevral	İllik müqayisə, %
Avtomobil benzini, min ton	216,8	96,3
Ağ neft, min ton	85,7	92,5
Dizel yanacağı, min ton	356	99,4
Yanacaq mazutu, min ton	3,1	9,2
Sürtkü yağları, min ton	12,2	150,6
Maye qazlar	45,7	93,6
Neft koksu; neft bitumu və neft məhsullarının digər qrupları, min ton	168,7	77,5
ondan:
Neft bitumu, min ton	20,2	52,9
Neft koksu, min ton	41,4	112,8