İsveç Prokurorluğunun PKK tərəfdarlarının Stokholmda Türkiyə Prezidenti Rəcəb Tayyib Ərdoğan və ölkəsini təhqir edən nümayişində cinayət maddəsinin olmadığını hesab etmək absurddur.
APA-nın İstanbul müxbiri xəbər verir ki, bu barədə Türkiyə xarici işlər naziri Mövlud Çavuşoğlu iranlı həmkarı Hüseyn Əmir-Abdullahian ilə Ankarada keçirilən birgə mətbuat konfransı zamanı bildirib.
O qeyd edib ki, bu hadisə beynəlxalq hüquqa əsasən cinayətdir: “İsveç söz oyunları ilə bizi aldatdığını düşünürsə, onlar özlərini aldadırlar. Ya terrorçuların düzdüyü minaların qurbanı olacaqlar, ya da imzaladığımız memorandumun bəndlərini həyata keçirərək irəliləyəcəyik. Burada seçim İsveçindir”.