Çernobılda Atom Enerjisi üzrə Beynəlxalq Agentliyin (AEBA) daimi missiyası açılıb.
APA xəbər verir ki, bu barədə AEBA-nın Baş direktoru Rafael Qrossi "Twitter" hesabında məlumat verib.
Missiyanın açılış mərasimində iştirak etmək üçün Qrossi özü də Ukraynaya səfər edib.
“Bu gün mən AEBA-nın Çernobılda Dəstək və Yardım Missiyasını işə saldım. Mütəxəssislərimiz bu son dərəcə çətin zamanda nüvə təhlükəsizliyinə yardım göstərmək üçün Ukraynanı bütün AES-lərində olacaqlar”, - o bildirib.
AEBA-nın Baş direktoru deyib ki, Çernobıl AES işğaldan sonra artıq öz normal vəziyyətinə qayıdıb və AES əsas funksiyalarının əksəriyyətini artıq həyata keçirir.
Rafael Qrossi vurğulayıb ki, AEBA-nın daimi missiyasının bura yerləşdirilməsi beynəlxalq ictimaiyyəti vəziyyət barədə məlumatlandırmaq və ehtiyac olduğu təqdirdə vacib addımlar atmaq üçün önəmlidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
