“Araz” Çempionlar Liqasına məğlubiyyətlə başlayıb

“Araz” Çempionlar Liqasına məğlubiyyətlə başlayıb
# 10 oktyabr 2019 00:15 (UTC +04:00)

Futzal üzrə Azərbaycan çempionu “Araz” klubu avrokuboklarda mübarizəyə başlayıb.

APA-nın məlumatına görə, Naxçıvan təmsilçisi Çempionlar Liqasının 2019/20 mövsümündə ilk oyununa çıxıb.

Əsas mərhələnin qarşılaşmalarının Belçikada keçirilən 2-ci qrupunda çıxış edən Joze Alesionun yetirmələri ilk turda meydan sahibləri ilə görüşüblər. Oyunçuları viza problemi ilə üzləşdiryindən yarışa tam heyətlə yollana bilməyən komanda yerli “Halle Qooik” ilə üz-üzə gəlib.

İlk dəqiqələrdən hesabda önə keçən Belçika klubu qarşılaşmadan qalib ayrılıb – 5:1. Naxçıvan klubunun yeganə qoluna Xətai Bağırov imza atıb.

Qrupun digər oyununda qalib müəyyənləşməyib. “Benfika” (Portuqaliya) və “Xerson” (Ukrayna) hərəyə bir qolla bir xal qazanıb.

Qeyd edək ki, “Araz” oktyabrın 10-da “Benfika” ilə görüşəcək.

#
#

ƏMƏLİYYAT İCRA OLUNUR