Futbol üzrə Avropa Liqasında Azərbaycan çempionu “Qarabağ”ın rəqibi olan APOEL növbəti matçını keçirib.
APA-nın məlumatına görə, Nikosiya təmsilçisi Kipr çempionatında ilk görüşünə çıxıb.
APOEL öz meydanında AEL-i qəbul edib. Son çempion üç qolla darmadağına imza atıb.
Nikosiyalıların qollarına 5-ci dəqiqədə Lukas, 43-cü dəqiqədə Mixayloviç, final fitinə 15 dəqiqə qalmış Pavloviç imza atıb. Bu qələbə ilə APOEL 4-cü pilləyə yüksəlib. Liderlərdən az oyun keçirən komanda 1-ci pillədəki “Omoniya”dan üç xal geridədir.
Qeyd edək ki, “Qarabağ”ı Çempionlar Liqasından kənarlaşdıran (1:2, 2:0) kiprlilər qrup mərhələsinin III və IV turunda təmsilçimizlə qarşılaşacaq.