İspaniya Superkubokunun iştirakçıları müəyyənləşib.
Apasport.az saytının məlumatına görə, 2023-cü ildəki turnirdə La Liqanın iki ən yaxşısı və İspaniya kubokunun finalçıları mübarizə aparacaq.
“Real” çempion, “Barselona” vitse-çempion, “Betis” kubokun sahibi, “Valensiya” finalçı kimi Superkuboka qatılacaq. Yarımfinalda “Betis” “Barselona”ya, “Real” “Valensiya”ya rəqib olacaq.
Qeyd edək ki, Superkubok yanvarda Səudiyyə Ərəbistanında keçiriləcək.