“Udineze” bütün komanda ilə karantinə alınıb.
Apasport.az saytının məlumatına görə, bunu İtaliya klubunun mətbuat xidməti açıqlayıb.
Klub rəhbərliyi komandada koronavirusa kütləvi yoluxma halları üzündən belə addım atıb. Komanda yanvarın 5-dən 9-dək karantində olacaq.
Udine təmsilçisi A seriyasının “Fiorentina” ilə yanvarın 6-da və “Atalanta” ilə üç gün sonra keçiriləcək matçlarına çıxa bilməyəcək. Klub təşkilatçılardan oyunların təxirə salınmasını xahiş edib.