“Neftçi”nin qış fasiləsindəki hazırlıq planı müəyyənləşib.
Apasport.az saytının məlumatına görə, paytaxt klubunun hazırlığının ilk mərhələsi yanvarın 5-də başlayacaq.
“Ağ-qaralar” 9-dək Bakıda məşq edəcək. Məşq prosesi fiziki hazırlığa həsr olunacaq.
Əsasən taktiki çalışmalardan ibarət təlim-məşq toplanışının ikinci mərhələsi isə yanvarın 10-dan 25-dək Türkiyədə olacaq. Antalya şəhərinin Manavqat bölgəsindəki “The Sense De Luxe” otelində məskunlaşacaq flaqman qardaş ölkədə 3 yoxlama görüşü keçirməyi planlaşdırır.
“Neftçi” yanvarın 14-də Macarıstanın “Kişvarda”, 19-da Polşanın “Visla” (Plotsk) klubu ilə qarşılaşacaq. Yanvarın 24-dəki rəqib hələlik dəqiqləşməyib.