“Yuventus”un yeni transferi Pol Poqba zədəli dizini necə müalicə edəcəyinə hələ qərar verməyib.
Apasport.az saytının məlumatına görə, ulduz futbolçu “Milan”ın hücumçusu Zlatan İbrahimoviçi əməliyyat edən məşhur həkim Bertrand Sonneri-Kotte ilə görüşmək üçün Fransaya yollanmağı düşünür.
Orta sahə oyunçusunun meniskis zədəsi gözləniləndən də pisdir. Həkimlər əməliyyat olunacağı təqdirdə təxminən 5 aya yaxın yaşıl meydanlardan uzaq qalacağını proqnozlaşdırır. Belə olarsa, futbolçu həm DÇ-2022-ni buraxacaq, həm də 2022-ci ili qapayacaq.
29 yaşlı futbolçu mundiala yollanmaq istədiyindən, daha tez sağalmasına kömək olacaq müalicə üsulları axtarır. ABŞ-da isə ona əməliyyat olunmaq məsləhət görülüb. Oyunçu bununla bağlı son qərarı gələn həftənin əvvəlində verməlidir.
Qeyd edək ki, Pol Poqba yay fasiləsində “Mançester Yunayted”dən “Yuventus”a qayıdıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
