“Qalatasaray”ın prezidenti Burak Elmas növbəti seçkilərdə namizədliyini irəli sürməyəcək.
Apasport.az saytı xəbər verir ki, bunu “cim-bom”un hazırkı rəhbəri özü açıqlayıb.
Elmas keçirdiyi mətbuat konfransında “sarı-qırmızılılar”ın prezidenti postunda son dəfə jurnalistlər önünə çıxdığını söyləyib. Fəaliyyəti dövründə gördüyü işlərlə bağlı hesabat verən Elmas seçkilərə qatılmayacağını bəyan edib.
Qeyd edək ki, “Qalatasaray”da prezident seçkiləri iyunun 11-də keçiriləcək.