“Qarabağ” Azərbaycan futbolunun tarixinə düşüb

“Qarabağ” Azərbaycan futbolunun tarixinə düşüb
# 04 oktyabr 2019 01:26 (UTC +04:00)

Azərbaycan çempionu “Qarabağ” yeni rekorda imza atıb.

APA-nın məlumatına görə, Ağdam təmsilçisi avrokubokların qrup mərhələsində böyük hesabla qalib gələn ilk Azərbaycan klubu kimi tarixə düşüb.

Qurban Qurbanovun yetirmələri bu nailiyyətə Avropa Liqasının qrup mərhələsinin II turunda imza atıblar. Lüksemburqda “Düdelanj”ı 4:1 hesabı ilə yenən “Qarabağ” daha bir tarix yazıb.

Bunadək Azərbaycan klubları avrokuboklaırn qrupdan başlayan əsas mərhələsində 3 və ya daha çox top fərqilə qalib gəlməmişdi. İlki reallaşdıran “Qarabağ” ilk və ən böyükhesablı qələbənin müəllifi olub.

Ümumiyyətlə, bunadək qrupda əldə olunan 5 qələbənin hamısı da “Qarabağ”ın hesabında idi. Ağdam təmsilçisi 4 dəfə 1:0, 1 dəfə 2:0 hesabı ilə qalib gəlmişdi.

Qeyd edək ki, Lüksemburqdakı qarşılaşma həm də ikiqat yubileylə əlamətdar olub. Azərbaycan futbolu tarixində klublarımızın əsas mərhələdəki 50-ci görüşü tarixi qələbə ilə başa çatıb. Bu, həm də Qurban Qurbanovun “Qarabağ”ın baş məşqçisi kimi 100-cü avrokubok görüşü olub.

#
#

ƏMƏLİYYAT İCRA OLUNUR