“Qəbələ”nin Avropa Liqasındakı rəqibi müəyyənləşib

“Qəbələ”nin Avropa Liqasındakı rəqibi müəyyənləşib
  • Clock-gray 23:21
  • calendar-gray 18 İyul 2019

“Qəbələ” klubunun Avropa Liqasındakı rəqibi müəyyənləşib.

APA-nın məlumatına görə, yarışa II təsnifat mərhələsindən başlayacaq Azərbaycan kubokunun qalibi Gürcüstan “Dinamo”su ilə qarşılaşacaq.

Bu, Tbilisi təmsilçisinin I təsnifat mərhələsini adalmasından sonra rəsmiləşib. “Dinamo” Andorranın “Enqordani” klubunu hər iki görüşdə məğlub edib.

Ötən həftə evdə rəqibinin qapısından 6 cavabsız qol keçirən gürcülər səfərdə də qalib gəlib – 1:0. “Qəbələ” Tbilisi təmsilçisi ilə ilk oyununu iyulun 25-də evdə, cavab matçını avqustun 1-də səfərdə keçirəcək.

Qeyd edək ki, bu komandalar 2015/16 mövsümündə də qarşılaşıb. Avropa Liqasının I təsnifat mərhələsinin duelində “Qəbələ” səfərdə 1:2 hesabı ilə uduzsa da, evdə iki cavabsız qolla qalib gələrək mərhələ adlayıb.

apa-logo-mini

Digər xəbərlər

Arxiv

date