Futbol

Ana səhifə

Futbol

AVRO-2020: Türkiyə böyük hesabla qalib gəlib, Ronaldo pokerə imza atıb

11 sentyabr 2019 04:17 (UTC +04:00)

Bu gün AVRO-2020-nin seçmə mərhələsində VI tura yekun vurulub.

APA-nın məlumatına görə, A, B və H qruplarında yeddi qarşılaşma keçirilib.

A qrupunda İngiltərə Kosovo ilə görüşüb. 8 qolun vurulduğu matçda futbolun yaradıcıları 4-cü qələbəni qazanıblar. Səfərdə Monteneqro üzərində qələbə qazanan Çexiya 2-ci pilləyə yüksəlib.

Portuqaliya millisi B qrupunda ikinci sıraya qalxıb. Kriştianu Ronaldonun pokerə imza atdığı matçda Litvanı darmadağın edən Avropa çempionları mövqelərini yaxşılaşdırıblar. Serbiya isə Lüksemburqdakı qələbə ilə üçüncü pilləyə yüksəlib.

Qonşu Türkiyə yığmasının yer aldığı H qrupunda üç matç baş tutub. “Ay-ulduzlular” səfərdə Moldovanı darmadağınla məğlubiyyətə uğradıblar. Fransa isə Andorra ilə görüşdən qələbə ilə ayrılıb. Bu turadək qrup liderliyinə şəriklərdən olan İslandiya Albaniyada uduzub. Nəticədə türkiyəlilər liderliyə yüksəliblər.

Qeyd edək ki, seçmə mərhələnin VII turu oktyabrın 10-12-də baş tutacaq.

AVRO-2020-nin seçmə mərhələsi
VI tur
10 sentyabr
A qrupu
22:45. Monteneqro – Çexiya – 0:3
Souçek, 54, Masopust, 58, Darida, 90 (pen.)
22:45. İngiltərə - Kosovo – 5:3
Sterlinq, 8, Keyn, 19, Voyvoda, 38 (avtoqol), Sanço, 44, 45 – Berişa, 1, 49, Muriqi, 55

1	İngiltərə	4	4	0	0	19-4	12
2	Çexiya	5	3	0	2	9-8	9
3	Kosovo	5	2	2	1	8-12	8
4	Bolqarıstan	5	0	2	3	5-11	2
5	Monteneqro	5	0	2	3	3-13	2

Növbəti turun oyunları oktyabrın 11-də keçiriləcək: Monteneqro – Bolqarıstan, Çexiya – İngiltərə.

B qrupu
22:45. Lüksemburq – Serbiya – 1:3
Turpel, 66 - Mitroviç, 36, 78, Radonyiç, 54
22:45. Litva – Portuqaliya – 1:5
Andriuskeviçyus, 28 – Ronaldo, 7 (pen.), 62, 65, 76, Karvalyo, 90+2

1	Ukrayna	5	4	1	0	11-1	13
2	Portuqaliya	4	2	2	0	10-4	8
3	Serbiya	5	2	1	2	10-12	7
4	Lüksemburq	5	1	1	3	5-8	4
5	Litva	5	0	1	4	4-15	1

Növbəti turun oyunları oktyabrın 11-də keçiriləcək: Ukrayna – Litva, Portuqaliya – Lüksemburq.

H qrupu
22:45. Moldova – Türkiyə - 0:4
Tosun, 37, 79, Deniz, 57, Yazıçı, 88
22:45. Fransa – Andorra – 3:0
Koman, 18, Lenqle, 52, Ben Yedder, 90
22:45. Albaniya – İslandiya – 4:2
Demaku, 33, Husay, 52, Roşi, 79, Çikalleşi, 82 – Siqurdsson, 47, Siqtorsson, 58