UEFA Millətlər Liqasının formatı dəyişdirilir

UEFA Millətlər Liqasının formatı dəyişdirilir
# 23 sentyabr 2019 22:35 (UTC +04:00)

UEFA Millətlər Liqasının formatında dəyişiklik ediləcək.

APA-nın məlumatına görə, qitə futbol qurumu 4 divizionda təşkil olunan yarışla bağlı dəyişikliyi zəruri sayıb.

A divizionunda çıxış edən komandaların sayı artırılacaq. 2018-19 mövsümündə güclülər sırasında 12 yığma iştirak edirdisə, 2020-21 mövsümündə bu rəqəm 16-ya çatacaq.

Nəticədə qrup sonuncusu olub aşağı liqaya düşən Almaniya, Xorvatiya, Polşa və İslandiya yenə A divizionunda oynayacaq. Onlara B divizionunun 4 qalibi qoşulacaq. Bununla da UEFA nüfuzlu komandaların aşağı liqaya yuvarlanması ilə turnirə marağın azalmasının qarşısını alacaq.

Qeyd edək ki, Millətlər Liqasının yeni mövsümünün formatı UEFA İcraiyyə Komitəsinin sabahkı iclasında təsdiqlənməlidir.

#
#

ƏMƏLİYYAT İCRA OLUNUR