Futbol

Ana səhifə

Futbol

AFFA İcraiyyə Komitəsinin iclası keçiriləcək

13 dekabr 2019 02:24 (UTC +04:00)

Bu gün AFFA-nın İcraiyyə Komitəsinin növbəti iclası keçiriləcək.

Apasport.az saytının məlumatına görə, yığıncaq qurumun inzibati binasında baş tutacaq.

Tədbir saat 10:00-da başlayacaq. İclasın gündəliyində bir sıra vacib məsələlər yer alıb. Bu səbəbdən ölkə futbol ictimaiyyətinin diqqəti AFFA-ya yönələcək. Milli komandalarla yanaşı, “Qəbələ” klubu ilə bağlı məsələ də gündəlikdə yer alıb.

İclasın gündəliyinə aşağıdakı məsələlər daxil olunub:
1. Gəncə şəhər stadionunun ərazisində yeni, standart ölçülü (105x68 m.) süni örtüklü məşq meydanının inşasının başa çatması ilə bağlı məlumat
2. Aşağı yaş qruplarından ibarət milli komandaların baş məşqçiləri ilə əlaqədar müzakirə
3. Azərbaycan milli komandasının baş məşqçisi Nikola Yurçeviçin AVRO-2020-nin seçmə mərhələsi ilə bağlı hesabatı
4. Premyer Liqa klublarına uşaq futbolu üçün UEFA-dan ayrılmış maliyyə vəsaiti ilə bağlı hesabat
5. “Klubların lisenziyalaşdırması üzrə vəsait”in növbəti buraxılışı üçün əlavə və dəyişikliklərin müzakirəsi
6. AVRO-2020-nin Bakıda keçiriləcək oyunlarına hazırlıq prosesi ilə bağlı qısa məlumat
7. AFFA-nın Fair Play mükafatının təsis olunması və Əsasnaməsinin hazırlanması
8. “Azərbaycan Futbolunun Etik Kodeks”inin hazırlanmasının müzakirəsi
9. AFFA-nın Futbol Veteranları Fondunun Əsasnaməsinə uyğun olaraq müvafiq şəxslərə təqaüdün ayrılmasının müzakirəsi
10. “Elit Məşq” kitabı ilə bağlı məlumat
11. AFFA-nın Nizamnaməsinə əlavə və dəyişikliklərlə bağlı təkliflərin hazırlanması
12. “Qəbələ” Futbol Klubu ilə bağlı müzakirə
13. AFFA-nın növbəti Konfransının tarixinin müəyyənləşdirilməsi