AFFA İntizam Komitəsinin növbəti iclası keçirilib.
Apasport.az saytının məlumatına görə, toplantıda Azərbaycan Premyer Liqanın VII turunda baş tutan matçlardakı neqativ hallar müzakirə edilib.
“Sabah” - “Sumqayıt” oyununda meydan sahiblərinin 5, qonaqların isə 4 futbolçusu sarı vərəqə aldığı üçün hər iki klub 800 manat məbləğində cərimələnib.
“Zirə” ilə qarşılaşmada ikinci sarı vərəqə ilə meydandan qovulan “Qarabağ”ın müdafiəçisi Rahil Məmmədov isə 1 oyunluq diskvalifikasiya olunub, həmçinin ağdamlılar 200 manat cərimə olunub.