AVRO-2020-nin oyunlarını qəbul edəcək şəhərlərin siyahısında dəyişiklik edilə bilər.
Apasport.az saytının məlumatına görə, UEFA üç şəhəri siyahıdan çıxarmaq niyyətindədir.
Bunlar Bilbao, Dublin və Qlazqodur. Bu şəhərlər iyunda başlayacaq yarışa azarkeşlərin buraxılma faizi ilə bağlı təminat verməzsə çempionatın ev sahibliyi hüququnu itirəcək.
UEFA final mərhələsi zamanı stadionların ən azı yarısına tamaşaçı buraxılmasını istəyir. Bu üç şəhər də hələlik təminatla bağlı sənəd təqdim etməyib.
Dublin və Qlazqo yarışı qəbul edə bilməsə, həmin matçlar İngiltərəyə veriləcək. Bilbaonu isə İspaniyanın digər şəhəri əvəzləyəcək.
Qeyd edək ki, qitə çempionatının final mərhələsi 12 şəhərdə, o cümlədən Bakıda keçirilməlidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
