Avstriyanın “Rapid” klubu Avropa Liqasında antirekorda imza atıb.
Apasport.az saytının məlumatına görə, Vyana təmsilçisi turnirdə ən çox uduzan komanda adına yiyələnib.
Avstriyalılar qrup mərhələsinin V turunda “Arsenal”a məğlub olub. 1:4 hesablı yenilgi “Rapid”in Avropa Liqasında 27-ci məğlubiyyətidir.
Vyanalılar bu göstəricidə Norveç “Rusenborq”unu (26) keçib. Portuqaliya “Sportinq”i və Danimarka “Kopenhagen”i hərəyə 23 dəfə yenilib.