19 yaşadək qızlar arasında yeni formatda təşkil olunacaq Avropa çempionatının 1-ci mərhələsinin püşkü atılıb.
Apasport.az saytının məlumatına görə, komandalar reytinqinə əsasən A və B liqalarında mübarizə aparacaq.
28 yığma A, 24 komanda B liqasında çıxış edəcək. Azərbaycan yığması A liqasında qüvvəsini sınayacaq.
Millimiz 7-ci qrupda yer alıb. Komandamızın rəqibləri İtaliya, Polşa və Norveç olacaq.
Qeyd edək ki, bu mərhələnin oyunları 14-21 sentyabrda və ya 19-26 oktyabrda təşkil olunacaq.