Azərbaycan çempionatının I divizionunun “Turan Tovuz” – “Sumqayıt-2” oyunu yarımçıq dayandırılıb.
Apasport.az saytının məlumatına görə, XIII turun görüşünün başa çatdırılmasına hava şəraiti mane olub.
Güclü qar yağdığı üçün qarşılaşma ikinci hissənin əvvəlində saxlanılıb. Hakimlər, hakim-inspektor və AFFA nümayəndəsi görüşün taleyi ilə bağlı yığıncaq keçirib. Onlar görüşün qeyri-müəyyən müddətə təxirə salınmasına qərar veriblər.
Qeyd edək ki, oyun dayandırılarkən hesab 0:0 olub.