“Bavariya” klublararası dünya çempionatının finalına yüksəlib

“Bavariya” klublararası dünya çempionatının finalına yüksəlib
# 08 fevral 2021 23:52 (UTC +04:00)

Qətərdə keçirilən klublararası dünya çempionatında ikinci finalçı müəyyənləşib.

Apasport.az saytının məlumatına görə, Almaniyanın “Bavariya” klubu turnirdəki ilk matçını Misir təmsilçisi “Əl-Əhli”yə qarşı keçirib.

Ər-Rayyanda baş tutan qarşılaşmada rəqibini məğlubiyyətə uğradan Avropa komandası finala yüksəlib. “Əl-Əhli” bürünc medal uğrunda “Palmeyras”la (Braziliya) üz-üzə gələcəksə, “Bavariya”nın həlledici görüşdəki rəqibi Meksika klubu “Tiqres” olacaq. Hər iki oyun fevralın 11-də baş tutacaq.

Qeyd edək ki, “Tiqres” tarixində ilk dəfə klublararası dünya çempionatının finalında iştirak edəcək. “Bavariya” isə ikinci dəfə qatılacağı yarışı yenə qalib tamamlamağa çalışacaq. Almanlar 2013-cü ildə bu kuboku muzeyinə aparıb.

Klublararası dünya çempionatı
Yarımfinal
8 fevral
“Əl-Əhli” (Misir) – “Bavariya” (Almaniya) – 0:2
Levandovski, 17, 86

#
#

ƏMƏLİYYAT İCRA OLUNUR