Almaniyanın “Şalke” klubunun yeni baş məşqçisi müəyyənləşib.
Apasport.az saytının məlumatına görə, Gelzenkirxen təmsilçisini bundan sonra Kristian Qross çalışdıracaq.
Tərəflər müqavilənin bütün detallarını razılaşdırıblar. İsveçrəli mütəxəssis sentyabrdan bəri “Şalke”nin 4-cü baş məşqçisi olacaq. 66 yaşlı məşqçi yeni komandasına ilk məşqini dekabrın 27-də keçəcək.
Qeyd edək ki, “Şalke” son olaraq dekabrın 18-də Manuel Baumu istefaya göndərib. Komanda 13 turdan sonra 4 xalla turnir cədvəlinin son pilləsində qərarlaşıb.