Futbol

Ana səhifə

Futbol

Çempionlar Liqasında 1/8 final mərhələsinin bütün iştirakçıları dəqiqləşib

10 dekabr 2020 01:55 (UTC +04:00)

Çempionlar Liqasında qrup mərhələsinə yekun vurulub.

Apasport.az saytının məlumatına görə, mərhələnin son günündə VI tuşun 9 oyunu keçirilib.

Bir gün öncə yarımçıq qalan PSJ – “Başakşəhər” matçında böyükhesablı nəticə qeydə alınıb. Turnir cədvəli baxımından əhəmiyyətsiz qarşılaşmada fransalılar 5:1 hesablı ev qələbəsinə sevinib.

D qrupunun qalibi olan “Liverpul” özü üçün formal xarakterli görüşdə “Midtülland”la heç-heçə oynayıb. “Ayaks” üzərində 1:0 hesablı qələbə qazanan “Atalanta” 1/8 finala yüksəlib. Niderlandlılar isə yoluna Avropa Liqasında davam edəcək.

Ötən mövsümün qalibi “Bavariya” A qrupunda növbəti qələbəsini “Lokomotiv” üzərində qazanıb. “Atletiko” səfərdə “Zalsburq”u məğlub etməklə qrup ikincisi olub. Avropa Liqasına vəsiqəni avstriyalılar qazanıb.

B qrupunda “Real” Monhenqladbax “Borussiya”sı üzərində qələbə ilə 1-ci yeri tutub. “İnter”lə “Şaxtyor”un heç-heçə etməsi Almaniya təmsilçisini də 1/8 finala daşıyıb. Ukrayna klubu isə Avropa Liqasında oynayacaq.

C qrupunda liderlər turu qələbə ilə başa vurub. “Mançester Siti” “Marsel”ə, “Porto” “Olimpiakos”a qalib gəlib. Sonuncular 3-cü yerin sahibi kimi Avropa Liqasında oynamalı olacaq.

Qeyd edək ki, daha öncə “Bavariya”, “Mançester Siti”, “Porto”, “Liverpul”, “Çelsi”, “Sevilya”, “Borussiya” D, “Barselona”, “Yuventus”, “Leypsiq”, PSJ və “Latsio” 1/8 finala, “Krasnodar”, “Mançester Yunayted”, “Brügge” və “Dinamo” K Avropa Liqasının 1/16 finalına vəsiqə qazanıb.

Çempionlar Liqası
Qrup mərhələsi
VI tur

9 dekabr
H qrupu
21:55. PSJ (Fransa) - “Başakşəhər” (Türkiyə) - 5:1
Neymar, 21, 38, 50, Mbappe, 42 (pen.), 62 - Topal, 57

1	PSJ	6	4	2	13-6	12
2	Leypsiq	6	4	2	11-12	12
3	Mançester Yunayted	6	3	3	15-10	9
4	Başakşəhər	6	1	5	7-18	3

D qrupu
21:55. “Midtülland” (Danimarka) - “Liverpul” (İngiltərə) - 1:1
Şols, 62 (pen.) - Salah, 1
21:55. “Ayaks” (Niderland) - “Atalanta” (İtaliya) - 0:1
Muriel, 85

1	Liverpul	6	4	1	1	10-3	13
2	Atalanta	6	3	2	1	10-8	11
3	Ayaks	6	2	1	3	7-7	7
4	Midtülland	6	0	2	4	4-13	2

A qrupu
00:00. “Bavariya” (Almaniya) - “Lokomotiv” (Rusiya) - 2:0
Zule, 63, Şupo-Motinq, 80
00:00. “Zalsburq” (Avstriya) - “Atletiko” (İspaniya) - 0:2
Ermoso, 39, Karrasko, 86

1	Bavariya	6	5	1	0	18-5	16
2	Atletiko	6	2	3	1	7-8	9
3	Zalsburq	6	1	1	4	10-17	4
4	Lokomotiv	6	0	3	3	5-10	3

B qrupu
00:00. “İnter” (İtaliya) - “Şaxtyor” (Ukrayna) - 0:0
00:00. “Real” (İspaniya) - “Borussiya” (Mönhenqladbax, Almaniya) - 2:0
Benzema, 9, 32

1	Real	6	3	1	2	11-9	10
2	Borussiya M	6	2	2	2	16-9	8
3	Şaxtyor	6	2	2	2	5-12	8
4	İnter	6	1	3	2	7-9	6

C qrupu
00:00. “Mançester Siti” (İngiltərə) - “Marsel” (Fransa) - 3:0
Torres, 48, Aquero, 77, Sterlinq, 90
00:00. “Olimpiakos” (Yunanıstan) - “Porto” (Portuqaliya) - 0:2
Otavio, 10 (pen.),Uribe, 77