"AFFA-dan təklif almışam".
Bunu apasport.az saytına Albaniya millisinin sabiq baş məşqçisi Covanni De Byazi deyib.
Azərbaycan millisinin baş məşqçi postuna namizədlərdən olan 64 yaşlı italiyalı mütəxəssis AFFA-dan aldığı təklifə münasibət bildirib. Ölkəsində və İspaniyada bir neçə klubu çalışdırmış De Byazi əməkdaşımızla söhbətində təklif aldığını təsdiqləyib.
Onun sözlərinə görə, məsələyə yaxın günlərdə aydınlıq gələcək: "Bəli, AFFA-dan bununla bağlı müraciət almışam. İndidən konkret nəsə demək istəmirəm. Bir müddət sonra hər şey müəyyənləşəcək".
Qeyd edək ki, Covanni De Byazi son iş yeri olan “Alaves” (İspaniya) klubundan 2017-ci ildə ayrılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
