Əfsanəvi qolfçu Tayger Vuds faciə ilə üzləşib.
Apasport.az saytının məlumatına görə, amerikalı idmançının idarə etdiyi avtomobil qəzaya uğrayıb.
Hadisə Kaliforniya əyalətindəki Los Anceles şəhərində baş verib. Bu gün səhər yaşanan olay zamanı aşan avtomobilin içində Vuds tək olub. Yaralı vəziyyətdə onu maşından çıxaran vətəndaşlar dərhal xəstəxanaya aparıblar.
Meneceri Mark Steynberq qolfçunun ayaqlarından xəsarət aldığını və əməliyyata alındığını açıqlayıb. O, Vudsun kəsici alətlərin köməkliyi ilə avtomobildən çətinliklə çıxarıldığını söyləyib. Qəzanın səbəbi hələlik məlum deyil və bununla bağlı araşdırmaya başlanılıb.
Qeyd edək ki, Tayger Vuds son illər dünyanın çox qazanan idmançısı sayılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
